ഒരു കോടി വൃക്ഷത്തൈ സെൽഫികൾ UNEP ലേക്ക് സമർപ്പിക്കുന്നതൊടൊപ്പം കേരളം സുസ്ഥിര വികസിതവും സമ്പൂർണ്ണ മാലിന്യമുക്തവും ഹരിതാഭവും ആക്കുവാനുള്ള പ്രവർത്തനം നടത്താൻ ആയിരം കോടി രൂപയുടെ ഗ്രീൻ ക്ലീൻ എസ്റ്റിമേറ്റ് തയ്യാറാക്കി , അതാത് തദ്ദേശ സ്വയംഭരണ സ്ഥാപനങ്ങളും കേരള സർക്കാറും മുഖേന കേന്ദ്രസർക്കാർ, UNEP, എന്നിവക്ക് സമർപ്പിക്കുന്നതാണ്. മത്സരത്തിൽ പങ്കെടുക്കുന്നവർ അവരുടെ അധീനതയിലുള്ള പ്രദേശങ്ങളിൽ നടപ്പിലാക്കാൻ കഴിയുന്ന പ്രദേശിക പദ്ധതികളാണ് തയ്യാറാക്കേണ്ടത്. 20% തുക ഗുണഭോക്താവും, 20% അതാത് തദ്ദേശ സ്വയംഭരണ സ്ഥാപനങ്ങളും 20% കേരള സർക്കാരും 20% കേന്ദ്ര സർക്കാറും 20% UNEP യും നൽകുന്ന വിധത്തിലാണ് പദ്ധതി വിഭാവനം ചെയ്യുന്നത്.

ഇതോടൊപ്പം ഐക്യരാഷ്ട്രസഭ വിഭാവനം ചെയ്ത 17 സുസ്ഥിര വികസന ലക്ഷ്യങ്ങൾ കേരളത്തിൽ പ്രാവർത്തികമാക്കാനുള്ള പ്രചാരണ പ്രവർത്തനങ്ങളും നടത്താൻ ഉദ്ദേശിക്കുന്നു . 1) ദാരിദ്യ്ര നിർമ്മാർജ്ജനം , 2) വിശപ്പില്ലാതാക്കൽ, 3) നല്ല ആരോഗ്യവും ക്ഷേമവും, 4) ഗുണമേന്മയുള്ള വിദ്യാഭ്യാസം, 5) ലിംഗസമത്വം, 6) ശുദ്ധമായ വെള്ളവും പൊതുശുചിത്വം, 7) താങ്ങാവുന്നതും ശുദ്ധവുമായ ഊർജ്ജം, 8) മാന്യമായ തൊഴിലും സാമ്പത്തിക വളർച്ചയും 9) വ്യവസായം, നവീകരണം, അടിസ്ഥാനസൗകര്യങ്ങൾ, 10) അസമത്വം ലഘൂകരിക്കൽ, 11) സുസ്ഥിര നഗരങ്ങളും സമൂഹങ്ങളും, 12) ഉത്തരവാദിത്ത ഉപഭോഗവും ഉത്പാദനവും, 13) കാലാവസ്ഥാ വ്യതിയാനം, 14) ജലത്തിനടിയിലെ ജീവൻ, 15) കരയിലെ ജീവൻ, 16) സമാധാനം, നീതി, ശക്തമായ നിയമസ്ഥാപനങ്ങൾ, 17) ലക്ഷ്യങ്ങൾ കൈവരിക്കാനുള്ള പങ്കാളിത്തം. എന്നിവയാണ് ഐക്യരാഷ്ട്രസഭ വിഭാവനം ചെയ്ത 17 സുസ്ഥിര വികസന ലക്ഷ്യങ്ങൾ.

വിദ്യാർഥികൾക്കും, അദ്ധ്യാപകർക്കും, പൊതുജനങ്ങൾക്കുമായി വിവിധ ഹരിത മത്സറങ്ങൾ സംഘടിപ്പിച്ച് വിജയികൾക്ക് പുരസ്കാരങ്ങളും സമ്മാനങ്ങളും നൽകുന്നു.

KG, LP, UP, HS, HSS, CLG, GENERAL എന്നീ വിഭാഗങ്ങളിൽ, വിദ്യാഭ്യാസ ഉപജില്ലാ തലം, വിദ്യാഭ്യാസ ജില്ലാതലം, ജില്ലാ തലം, സംസ്ഥാന തലം എന്നിവയിൽ മികച്ച പ്രകടനം നടത്തുന്നവർക്ക് പ്രത്യേക പുരസ്കാരങ്ങളും സമ്മാനങ്ങളും ഉണ്ടായിരിക്കുന്നതാണ്.

കോഴിക്കോട് ജില്ലയെ സമ്പൂർണ്ണ മാലിന്യമുക്തവും ഹരിതാഭവും ആക്കുന്നതിനായുള്ള പദ്ധതിയാണ് ഗ്രീനിങ് കോഴിക്കോട്. ഇത് ജില്ലാ പഞ്ചായത്ത്, സോയിൽ കൺസർവേഷൻ ഡിപ്പാർട്മെൻറ്, ഹരിതകേരള മിഷൻ, ശുചിത്വ മിഷൻ, കുടുംബശ്രീ, അഗ്രിക്കൾച്ചറൽ ഡിപ്പാർട്മെൻറ്, സോഷ്യൽ ഫോറസ്റ്ററി, ബയോഡൈവേഴ്‌സിറ്റി ബോർഡ് എന്നിവയുടെ സഹകരണത്തോടെ നടപ്പാക്കുന്നു.

ഈ പദ്ധതിയുടെ ഭാഗമായി, സർക്കാർ നടപ്പിലാക്കുന്ന വിവിധ ഹരിത പദ്ധതികളെ ജനകീയമാക്കുന്നതിന് ഗ്രീൻ ക്ലീൻ കേരള മിഷന്റെ സഹകരണത്തോടെ ഹരിത മത്സരങ്ങൾ സംഘടിപ്പിക്കുകയും, വിജയികൾക്ക് സമ്മാനങ്ങളും വിതരണം ചെയ്യുകയും ചെയ്യുന്നു.

കോഴിക്കോട് ജില്ലയിലെ Forestry Club, ICDS, NSS, SPC, SCOUT & GUIDE, JRC, SAVE, Green Clean Earth Movement Foundation (GCEM Foundation) എന്നിവയുടെ കൂട്ടായ്മയാണ് ഗ്രീൻ ക്ലീൻ കേരള മിഷൻ.

കോഴിക്കോട് ജില്ലാ പഞ്ചായത്ത്, സോയിൽ കൺസർവേഷൻ ഡിപ്പാർട്മെൻറ്, ഹരിത കേരള മിഷൻ, ശുചിത്വ മിഷൻ, കുടുംബശ്രീ,അഗ്രിക്കൾച്ചറൽ ഡിപ്പാർട്മെൻറ്, സോഷ്യൽ ഫോറെസ്റ്ററി,ബയോഡൈവേഴ്‌സിറ്റി ബോർഡ്, തദ്ദേശ സ്വയംഭരണ സ്ഥാപനങ്ങൾ എന്നിവയുടെ സഹകരണത്തോടെയാണ് പദ്ധതികൾ ആവിഷ്‌കരിക്കുന്നത്.

വിദ്യാർത്ഥികളിലൂടെ ഹരിത-ശുചിത്വ ബോധം സമൂഹത്തിൽ വ്യാപിപ്പിക്കാനായി വിവിധ ഹരിത മത്സരങ്ങൾ സംഘടിപ്പിച്ച് വിജയികൾക്ക് സമ്മാനങ്ങൾ നൽകുന്നു.

Conducted by Green Clean Kerala Mission — a confederation of Green Clean Earth Movement (GCEM) Foundation, Forestry Club, NSS, SPC, Scout & Guide, JRC, and SAVE.

Organized in association with Kozhikode Jilla Panchayath Soil Conservation Department, Agricultural Department, Haritha Keralam Mission,Social Forestry, Kudumbashree, and ICDS.

Supported by Indian Oil Corporation, myG,VKC, tecQ, Aqua Garden,Mall of Garden, AGRI Super Market,Kisan Excel, and a2z4home.